[๒๒๖๕] หตฺถีหิ อสฺเสหิ รเถหิ ปตฺติหิ สูรา ปภญฺชนฺติ ปธํสยนฺติ น มจฺจุโน ภญฺชิตุมุสฺสหนฺติ ตมฺเม มตี โหติ จรามิ ธมฺมํ ฯ

[๒๒๖๖] มตฺตา คชา ภินฺนคฬา ปภินฺนา #๑ ม. สพฺพํ หิทํ ฯ ๒ ม. เสนํ ฯ นครานิ มทฺทนฺติ ชนํ หนนฺติ น มจฺจุโน มทฺทิตุมุสฺสหนฺติ ตมฺเม มตี โหติ จรามิ ธมฺมํ ฯ

[๒๒๖๗] อิสฺสาสิโน กตหตฺถาปิ วีรา ๑ ทูเรปาตี อกฺขณเวธิโนปิ น มจฺจุโน วิชฺฌิตุมุสฺสหนฺติ ตมฺเม มตี โหติ จรามิ ธมฺมํ ฯ

[๒๒๖๘] สรานิ ขียนฺติ สเสลกานนา สพฺพํปิ ตํ ๒ ขียติ ทีฆมนฺตรํ สพฺพํ หิ ตํ ๓ ภญฺชเร กาลปริยายํ ตมฺเม มตี โหติ จรามิ ธมฺมํ ฯ