ตสฺมึ ขเณ จนฺทเทวี โอโรธคณปริวุตา อาคนฺตฺวา ปิยปุตฺตสฺส ปาเทสุ คเหตฺวา วนฺทิตฺวา โรทิตฺวา อสฺสุปุณฺเณหิ เนตฺเตหิ

๒. รนฺธนฺติปิปาโฐ ฯ เอกมนฺตํ นิสีทิ ฯ อถ นํ ราชา ภทฺเท ตว ปุตฺตสฺส โภชนํ ปสฺสาหีติ วตฺวา โถกํ ปณฺณกํ ตสฺสา หตฺเถ ฐเปตฺวา เสสิตฺถีนมฺปิ โถกํ โถกํ อทาสิ ฯ ตา สพฺพาปิ อิตฺถิโย เอวรูปํ นาม โภชนํ ภุญฺชสิ สามีติ วตฺวา ตํ คเหตฺวา อตฺตโน อตฺตโน สีเส กตฺวา อติทุกฺกรํ กโรสิ สามีติ วตฺวา นมสฺสมานา นิสีทึสุ ฯ อถ นํ ราชา ตาต อิทํ มยฺหํ อจฺฉริยํ หุตฺวา อุปฏฺฐาตีติ วตฺวา คาถมาห

อจฺเฉรกํ มํ ปฏิภาติ เอกกมฺปิ รโหคตํ

อีทิสํ ภุญฺชมานานํ เกน วณฺโณ ปสีทตีติ ฯ