ยุวา จ ทหโร จาปิ ปฐมุปฺปตฺติโต สุสู

รชฺชํ กาเรหิ ภทฺทนฺเต กึ อรญฺเญ กริสฺสสีติ ฯ

ตตฺถ หตฺถานีกนฺติ ทสหตฺถิโต ปฏฺฐาย อธิปติกตา หตฺถานีกํ นาม ตถา รถานีกํ นาม ฯ จมฺมิโนติ จมฺมพนฺเธ สุรโยเธ ฯ กุสลาติ เฉกา ฯ สุสิกฺขิตาติ อญฺเญสุปิ อิตฺถิกิจฺเจสุ สุสิกฺขิตา ฯ จตุริตฺถิโยติ จตุรา วิลาสา อิตฺถิโย อถวา จตุรา นาครา อิตฺถิโย

อถวา จตุรา นาม นาฏกิตฺถิโย ฯ ปฏิราชูหิ กญฺญาติ ปุตฺต อญฺเญหิ ราชูหิ อญฺญาปิ ราชกญฺญาโย ตุยฺหํ อานยิสฺสํ ฯ ยุวาติ โยพฺพนปฺปตฺโต ฯ ทหโรติ ตรุโณ ฯ ปฐมุปฺปตฺติโตติ ปฐมวเยน อุปฺปตฺติโต สมุคฺคโต ฯ สุสูติ อติตรุโณ กาฬเกโสติ อตฺโถ ฯ