นิสมฺม วตฺตํ โลกสฺส วายมสฺส จ เทวเต

ตสฺมา มชฺเฌ สมุทฺทสฺมึ อปสนฺตีรมายุเหติ ฯ

ตตฺถ นิสมฺม วตฺตํ โลกสฺสาติ โส อหํ โลกสฺส วตฺตํ กิริยํ นิสมฺม อุปธาเรตฺวา วิหรามีติ อตฺโถ ฯ วายามสฺส จาติ วายามสฺส จ อานิสํสํ นิสมฺม ปสฺสิตฺวา วิหรามีติ ทีเปติ ฯ ตสฺมาติ ยสฺมา นิสมฺม วิหรามิ ปุริสกาโร นาม น นสฺสติ สุเข ปติฏฺฐาเปตีติ ชานามิ ตสฺมา ตีรํ อปสฺสนฺโตปิ อายุเห วิริยํ กโรมิ ฯ กึ นาเมตํ น อุกฺกณฺฐามีติ ฯ

สา ตสฺส ธมฺมกถํ โสตุกามา ปุน คาถมาห