หิตฺวา ชนก ปพฺพชิโต กปลฺเล รติมชฺฌคา

กจฺจิ นุ เต ชานปทา มิตฺตามจฺจา จ ญาตกา

ทูภึ อกํสุ ชนก กสฺมา เต ตํ อรุจฺจถาติ ฯ

ตตฺถ กปลฺเลติ มตฺติกา ปตฺตํ สนฺธายาห ฯ อิทํ วุตฺตํ โหติ มหาชนก ตวํ เอวรูปํ อิสฺสริยํ ปหาย ปพฺพชิโต อิมสฺมึ กปลฺเล รตึ อชฺฌคาติ ปพฺพชฺชาการณํ ปุจฺฉนฺโต เอวมาห ฯ ทูภินฺติ กินฺนุ เอเต ตว อนฺตเร กิญฺจิ อปราธํ อกํสุ กสฺมา ตว เอวรูปํ อิสฺสริยสุขํ ปหาย เอตํ กปลฺลเมว อรุจฺจถาติ ฯ