โยปิ จตุตฺเถ ภตฺตกาเล น ภุญฺเช อชฺฌุฏฺฐมาริว ๑- ขุธาย มิยฺเย

น เตฺวว ปิณฺฑํ ลุลิตํ อนริยํ กุลปุตฺตรูโป สปฺปุริโส นุ เสเว

ตยิทํ น สาธุ ตยิทํ น สุฏฺฐุ สุนขุจฺฉิฏฺฐกํ ชนก ภุญฺชเส ตุวนฺติ ฯ

ตตฺถ อชฺฌุฏฺฐมาริวาติ อาสนฺนมรณมิว ฯ ลุลิตนฺติ ปํสุมกฺขิตํ ฯ อนริยนฺติ อสุนฺทรํ ฯ นุ เสเวติ นุกาโร ปฏิปุจฺฉนตฺเถ นิปาโต ฯ อิทํ วุตฺตํ โหติ สเจปิ จตุตฺเถ ภตฺตกาเล น ภุญฺเชยฺย ขุทาย วา มเรยฺย น นุ เอวํ สนฺเตปิ กุลปุตฺตรูโป สปฺปุริโส เอวรูปํ ปิณฺฑํ น ตเวว เสเวยฺยาติ ฯ ตยิทนฺติ ตํ อิทํ ฯ