น เม มํสานิ ขชฺชานิ จมฺเมนตฺโถ น วิชฺชติ

อถ เกน นุ วณฺเณน วิทฺเธยฺยํ มํ อมญฺญถาติ ฯ

ตตฺถ โภ มาณว มํสานิ เม มม สรีรมํสานิ น ขชฺชานิ มนุสฺเสหิ ขาทิตพฺพานิ จมฺเมน เม มม สรีรจมฺเมน มนุสฺสานํ อตฺโถ น วิชฺชติ อถ เอวํ สนฺเตปิ อยํ ปุริโส วิทฺเธยฺยํ วิชฺฌิตพฺพํ มํ อมญฺญถ อวิจาเรตฺวา มํ วิชฺฌิ เกน วณฺเณน เกน การเณนาติ ฯ

ทุติยํ คาถํ วตฺวา ตเมว นามาทิวเสน ปุจฺฉนฺโต คาถมาห