โกธโลภาภิภูตาหํ อุสุํ เต ตํ อวิสฺสชินฺติ ฯ

ตตฺถ น ตทฺทสาติ น ตํ อทฺทส ฯ กินฺตาหนฺติ กินฺเต เอวํ กลฺยาณทสฺสนสฺส สนฺติเก อหํ อลิกํ ภณิสฺสามิ ฯ โกธโลภาภิภูตาหนฺติ โกเธน จ โลเภน จ อภิภูโต หุตฺวา อหํ ฯ โส หิ ปฐมเมว มิเคสุ โอติณฺเณสุ โกเธน มิเค วิชฺฌิสฺสามีติ ฯ ธนุํ อาโรเปตฺวา ฐิโต ปจฺฉา โพธิสตฺตํ ทิสฺวา ตสฺส เทวตาทีสุ อญฺญตรภาวํ อชานนฺโต ปุจฺฉิสฺสามิ นนฺติ โลภํ อุปฺปาเทสิ ตสฺมา เอวมาห ฯ

เอวญฺจ ปน วตฺวา นายํ สุวณฺณสาโม อิมสฺมึ อรญฺเญ เอกโกว ปฏิวสติ อทฺธา ญาตเกหิปิสฺส ภวิตพฺพํ ปุจฺฉิสฺสามิ นนฺติ จินฺเตตฺวา อิตรํ คาถมาห

กุโต นุ สาม อาคมฺม กสฺส วา ปหิโต ตุวํ