อุทกหาโร นทึ คจฺฉ อาคโต มิคสมฺมตนฺติ ฯ ตตฺถ สามาติ โพธิสตฺตํ อาลปติ ฯ อาคมฺมาติ กุโต เทสา อิมํ วนํ อาคนฺตฺวา ฯ กสฺส วา ปหิโตติ อมฺหากํ อุทกํ อาหริตุํ นทึ คจฺฉาติ เกน เปสิโต หุตฺวา ตวํ อิมํ มิคสมฺมตํ อาคโตสีติ อตฺโถ ฯ

โส ตสฺส กถํ สุตฺวา มหนฺตํ เวทนํ อธิวาเสตฺวา มุเขน โลหิตํ ฉฑฺเฑตฺวา คาถมาห

อนฺธา มาตาปิตา มยฺหํ เต ภรามิ พฺรหาวเน

เตสาหํ อุทกหาโร อาคโต มิคสมฺมตนฺติ