ตตฺถ วุตฺโต วชฺชาสีติ ปุตฺโต โว สาโม นทีตีเร วิสปีเตน สลฺเลน มยา วิทฺโธ รชตปฏสทิเส วาลุกาปุลิเน ทกฺขิณปสฺเสน นิปนฺโน อญฺชลึ โว ปคฺคยฺห ตุมฺหากํ ปาเท วนฺทตีติ เอวํ มหาราช มยา วุตฺโต หุตฺวา มาตาปิตูนํ วนฺทนํ วเทยฺยาสีติ อาห ฯ

ราชา สาธูติ สมฺปฏิจฺฉิ ฯ มหาสตฺโต มาตาปิตูนํ วนฺทนํ เปเสตฺวา วิสญฺญิตํ ปาปุณิ ฯ

ตมตฺถํ ปกาเสนฺโต สตฺถา อาห

อิทํ วตฺวาน โส สาโม ยุวา กลฺยาณทสฺสโน