อทูสกา ปิตาปุตฺตา ตโย เอกูสุนา หตา

เอหิ ตํ อนุสิกฺขามิ ยถา เต สุคติ สิยา

ธมฺเมนนฺเธวเนโปเส ๑- มญฺเญหํ สุคตี สิยาติ ฯ

ตตฺถ รญฺโญวาติ รญฺโญเยว ฯ อาคุํ กรีติ มหาราช ตฺวํ มหาปราธํ มหาปาปํ อกริ ฯ ทุกฺกฏนฺติ ยํ กตํ ทุกฺกฏํ โหติ ตํ ลามกกมฺมํ อกริ อกาสิ ฯ อทูสกาติ นิทฺโทสกา ฯ ปิตาปุตฺตาติ มาตา จ ปิตา จ ปุตฺโต จ อิเม ตโย ชนา เอกูสุนา หตา ตสฺมึ หิ หเต ตปฺปฏิพทฺธา ตสฺส มาตาปิตโรปิ หตาว โหนฺติ ฯ อนุสิกฺขามีติ สิกฺขาเปมิ อนุสาสิสฺสามิ ฯ โปเสติ สามสฺส ฐาเน ฐตฺวา สิเนหํ ปจฺจุปฏฺฐเปตฺวา สาโม วิย เต อุโภ อนฺเธ โปเสหีติ ฯ มญฺเญหํ สุคตี สิยาติ เอวํ ตยา สุคติเยว คนฺตพฺพา ภวิสฺสตีติ อหํ มญฺญามิ ฯ