เนส ธมฺโม มหาราช เนตํ อมฺเหสุ กปฺปติ

ราชา ตฺวมสิ อมฺหากํ ปาเทวนฺทาม เต มยนฺติ ฯ

ตตฺถ ธมฺโมติ สภาโว การณํ วา ฯ เนตํ กปฺปตีติ เอตํ ตว กมฺมกรณํ อมฺเหสุ น กปฺปติ น โสภติ น ปฏิรูปํ ฯ ปาเท วนฺทาม เตติ อิทมฺปน เต ปพฺพชิตลิงฺเค ฐิตาปิ ปุตฺตโสเกน สมพฺภาหตตาย เจว นิหตมานตาย จ วทึสุ ฯ รญฺโญ วิสฺสาสํ อุปฺปาเทตุํ เอวมาหํสูติ วทนฺติ ฯ

ตํ สุตฺวา ราชา อติวิย ตุสิตฺวา อโห อจฺฉริยํ เอวํ โทสการเก นาม มยิ อิเมสํ ผรุสวจนมตฺตมฺปิ นตฺถิ ปคฺคยฺหนฺติเยว มมนฺติ จินฺเตตฺวา เอวํ อาห