อิติ มหาสตฺตสฺส นิโรคตา มาตาปิตูนญฺจ จกฺขูนิ ปฏิลาโภ อรุณุคฺคมนญฺจ เทวตานุภาเวน เตสํ จตุนฺนํปิ อสฺสเมเยว ปากฏภาโวติ สพฺพํ เอกกฺขเณเยว อโหสิ ฯ มาตาปิตโร จกฺขูนิ ลทฺธา สาโม จ อโรโค ชาโตติ อติเรกตรํ ตุสึสุ ฯ อถ เน สามปณฺฑิโต อิมาย คาถาย อชฺฌภาสิ

สาโมหมสฺมิ ภทฺทํ โว โสตฺถินมฺหิ สมุฏฺฐิโต

มา พาฬฺหํ ปริเทเวถ มญฺชุนาภิวเทถ มนฺติ ฯ

อถ มหาสตฺโต ราชานํ ทิสฺวา ปฏิสนฺถารํ กโรนฺโต อิมา คาถา อาห