ตตฺถ ภิยฺโยติ ยสฺมา ตาทิเส ปริสุทฺธสีเล คุณสมฺปนฺเน อปรชฺฌึ ตสฺมา อติเรกตรํ ปมุยฺหามิ ฯ ตวญฺจ เม สรณํ ภวาติ อหํ ปน สรณํ คจฺฉามิ ตวญฺจ เม สรณํ คจฺฉนฺตสฺส สรณํ ภว ปติฏฺฐา โหหิ เทวโลกคามึ มํ กโรหีติ ฯ

อถ นํ มหาสตฺโต สเจ มหาราช เทวโลกํ คนฺตุกาโม มหนฺตํ ทิพฺพสมฺปตฺตึ ปริภุญฺชิตุกาโม อิมาสุ ทสราชธมฺมจริยาสุ วตฺตสฺสูติ ตสฺส ธมฺมํ เทเสนฺโต ทสราชธมฺมจริยา คาถา อภาสิ

ธมฺมญฺจร มหาราช มาตาปิตูสุ ขตฺติย

อิธ ธมฺมํ จริตฺวาน สคฺคํ คมิสฺสสิ