เอเต จญฺเญ จ ราชาโน ขตฺติยา พฺราหฺมณา พหู

ปุถุยญฺญํ ยชิตฺวาน เปตตฺตํ นาติวตฺตึสูติ ฯ

ตสฺสตฺโถ มหาราช ปุพฺเพ พาราณสิยํ ทุทีโป นาม ราชา มหาทานํ ทตฺวา มรณจกฺเกน ฉินฺโน กามาวจเรเยว นิพฺพตฺติ ตถา สาคราทโย อฏฺฐาติ เอเต ปน อญฺเญ จ พหู ราชาโน เจว ขตฺติยา พฺราหฺมณา จ ปุถุยญฺญํ ยชิตฺวา อเนกปฺปการํ ทานํ ทตฺวา อิมํ กามาวจรภูมิสํขาตํ เปตตฺตํ นาติวตฺตึสุ ฯ กามาวจรเทวา หิ รูปาทิโน กิเลสวตฺถุสฺส การณา ปรํ ปจฺจาสึสนโต กปฺปนตาย เปตาติ วุจฺจนฺติ ฯ วุตฺตมฺปิ เจตํ

เย อทุติยา น รมนฺติ เอกิกา