ตตฺถ มิถิลคฺคหนฺติ มิถิลายํ ปติฏฺฐิตปาสาทํ จตูหิ สงฺคหวตฺถูหิ มิถิลายํ สงฺคาหกํ ฯ สมจฺฉเรติ ตว คุณกถํ กเถนฺตา นิสีทึสุ ฯ

ราชา ตํ สุตฺวา อทิฏฺฐปุพฺพํ เทวโลกํ ปสฺสิสฺสามิ มาตลิสฺส จ เม สงฺคโห กโต ภวิสฺสติ คมิสฺสามีติ จินฺเตตฺวา อนฺเตปุรญฺจ มหาชนญฺจ อามนฺเตตฺวา อหํ น จิรสฺเสว อาคมิสฺสามิ ตุมฺเห อปฺปมตฺตา ทานาทีนิ ปุญฺญานิ กโรถาติ วตฺวา ทิพฺพรถํ อภิรุหิ ฯ

ตมตฺถํ ปกาเสนฺโต สตฺถา อาห

ตโต ราชา ตรมาโน เวเทโห มิถิลคฺคโห