อถสฺส โส ปุรโต รถํ เปเสตฺวา เอกํ มณิวิมานํ ทสฺเสสิ ฯ ตํ สเม ภูมิภาเค ปติฏฺฐิตํ อุพฺเพธสมฺปนฺนํ มณิปพฺพตํ วิย โอภาสมานํ นจฺจคีตวาทิตนินฺนาทิตํ พหูหิ เทวปุตฺเตหิ สมฺปริกิณฺณํ ฯ ตํ ทิสฺวา ราชา เตสํ เทวปุตฺตานํ กุสลกมฺมํ ปุจฺฉิ ฯ อิตโรปิสฺส อาจิกฺขิ ฯ

ปภาสติมิทํ พฺยมฺหํ เวรุฬิยาสุ นิมฺมิตํ

อุเปตํ ภูมิภาเคหิ วิภตฺตํ ภาคโส มิตํ

อาลมฺพรา มุทิงฺคา จ นจฺจคีตา สุวาทิตา