ปาฏิหาริยปกฺขญฺ จ อฏฺฐงฺคสุสมาหิตํ

อุโปสถํ อุปวสิ สทา สีเลสุ สํวุโต

สญฺญโม สํวิภาโคจ โส วิมานสฺมึ โมทตีติ ฯ

ตตฺถ นชฺโชติ วจนวิปลฺลาโส ฯ เอกา นที วิมานํ ปริกฺขิปิตฺวา คตาติ อตฺโถ ฯ ทุมายุตาติ สา นที นานาปุปฺเผหิ ทุเมหิ อายุตฺตา ฯ มิถิลายนฺติ เอส มหาราช กสฺสปพุทฺธกาเล มิถิลนคเร เอโก คหปติ ทานปติ อโหสิ ฯ โส เอตานิ อารามโรปนาทีนิ กตฺวา อิมํ ทิพฺพสมฺปตฺตึ ปตฺโตติ ฯ