เอวนฺเตน อิเมสํ อฏฺฐนฺนํ วิมานานํ กถิตกาเล สกฺโก เทวราชา มาตลิ อติจิรายตีติ จินฺเตตฺวา อปรมฺปิ ชวนเทวปุตฺตํ เปเสสิ สกฺโก เทวราชา ตํ ปกฺโกสตีติ มาตลิสฺส อาจิกฺขาหีติ ฯ โส ชเวนาคนฺตฺวา ตสฺส อาโรเจสิ ฯ โส ตสฺส วจนํ สุตฺวา น สกฺกา มยา อิทานิ จิรายิตุนฺติ เอกปฺปหาเรเนว พหูนิ วิมานานิ ทสฺเสสิ ฯ โส รญฺญา ตตฺถ สมฺปตฺตึ อนุภวนฺตานํ เทวปุตฺตานํ กมฺมํ ปุฏฺโฐ อาจิกฺขิ ฯ

เวหายสาเม พหุกา ชาตรูปา สุนิมฺมิตา

ททฺทฬฺหมานา อาเภนฺติ วิชฺชุวพฺภฆนนฺตเร

ตตฺถ ยกฺขา มหิทฺธิกา สพฺพาภรณภูสิตา