ยํ กตฺวา สุขิโต โหมิ น จ ปจฺฉานุตปฺปามีติ

ตตฺถ ยํ ปรโต ทานปจฺจยาติ ยํ ปรโต ตสฺส ปรสฺส ทานปจฺจยา เตน ทินฺนตฺตา ลภติ ตํ ยาจิตกสทิสํ โหติ ตสฺมา นาหํ เอตํ อิจฺฉามิ ฯ สยํ กตานีติ ยานิ ปน มยา อตฺตนา กตานิ ปุญฺญานิ ตเทว มม ปเรหิ อสาธารณํ ฯ อาเวนิยํ ธนนฺติ อนุคามิกธนํ ฯ สมจริยายาติ ตีหิ ทฺวาเรหิ สมจริยาย สญฺญเมนาติ สีลรกฺขเณน ฯ ทเมนาติ อินฺทฺริยทมเนน ฯ

เอวํ มหาสตฺโต เทวานํ มธุรสฺสเรน ธมฺมํ เทเสสิ ฯ เทเสนฺโตเยว มนุสฺสคณนาย สตฺตทิวสานิ ฐตฺวา เทวคณํ โตเสตฺวา

เทวคณมชฺเฌ ฐิโตว มาตลิสฺส คุณํ กเถนฺโต อาห