อุภยตฺถ พาโล กลิมคฺคเหสิ

เอตมฺปิ ทิสฺวาน อหํ วทามิ

ปญฺโญว เสยฺโย น ยสสฺสิพาโลติ

ตตฺถ อิธเมวาติ อิธ โลเก อิทมิสฺสริยเมว มยฺหํ เสฏฺฐนฺติ มญฺญมาโน ฯ กลิมคฺคเหสีติ พาโล อิสฺสริยมเทน ปาปกมฺมํ กตฺวา นิรยาทีสุ อุปฺปชฺชนฺโต ปรโลเก ตโต นิรยโต ปุนาคนฺตฺวา นีจกุเล ทุกฺขโภชโน หุตฺวา นิพฺพตฺตมาโน อิธ โลเก จาติ อุภยตฺถ ปราชยเมว คณฺหาติ ฯ เอตมฺปีติ อหํ เอตํปิ การณํ ทิสฺวา ปญฺญาสมฺปนฺโนว อุตฺตโม อิสฺสโรปิ พาโล น อุตฺตโมติ วทามิ ฯ