ตตฺถ ลทฺธา สุขนฺติ อิสฺสริยสุขํ ลภิตฺวา พาโล มชฺชติ ปมชฺชติ ปมตฺโต มหนฺตํ ปาปํ กโรติ ฯ ทุกฺเขนาติ กายิกเจตสิกทุกฺเขน ผุฏฺโฐ ฯ อาคนฺตุนาติ น อชฺฌตฺติเกน ฯ สตฺตานํ หิ สุขมฺปิ อาคนฺตุกเมว น นิจฺจปฺปวตฺตํ ฯ ฆมฺเมติ อุทกา อุทฺธริตฺวา อาเนตฺวา อาตเป ขิตฺตมจฺโฉ วิย ผนฺทติ ฯ

ตํ สุตฺวา ราชา กีทิสํ อาจริยาติ อาห ฯ เสนโก เทว กิเมส ชานาติ ติฏฺฐนฺตุ ตาว มนุสฺสา อรญฺเญ ชาตรุกฺขมฺปิ ผลสมฺปนฺนเมว วิหํคมา ภชนฺตีติ วตฺวา อิมํ คาถมาห

ทุมํ ยถา สาธุ ผลํ อรญฺเญ

สมนฺตโต สมภิสรนฺติ ปกฺขี