เอตมฺปิ ทิสฺวาน อหํ วทามิ

ปญฺโญ วิหีโน สิริมาว เสยฺโยติ ฯ

ตตฺถ อตฺถมฺปิ เจติ การณมฺปิ เจ ภาสติ ฯ ญาติมชฺเฌติ ปริสมชฺเฌ ฯ ปญฺญาณวโตติ มหาราช ญาณวนฺตสฺเสว สิริโสภคฺคปฺปตฺตํ ปตฺวา ปกติยา วิชฺชมานาปิ สิรี นาม น โหติ โส หิ ตสฺส สนฺติเก สุริยุคฺคมเน ขชฺโชปนโก วิย น ขายตีติ ทสฺเสติ ฯ

ปุน รญฺญา กีทิสํ ตาตาติ วุตฺเต ปณฺฑิโต กึ ชานาติ เสนโก อิธโลกมตฺตเมว โอโลเกติ น ปรโลกนฺติ วตฺวา อิมํ คาถมาห