สกฺโกว ภูตปฺปติ เทวราชา

เอตมฺปิ ทิสฺวาน อหํ วทามิ

ปญฺโญ วิหีโน สิริมาว เสยฺโยติ ฯ

อิทํ กิร สุตฺวา ราชา สาธุรูปํ เสนเกน การณํ อาภฏํ สกฺขิสฺสติ นุ โข เม ปุตฺโต อิมสฺส วาทํ ภินฺทิตฺวา อญฺญํ การณํ อาหริตุนฺติ จินฺเตตฺวา กีทิสํ ปณฺทิตาติ อาห ฯ เสนเกน กิร อิมสฺมึ การเณ อาภเฏเยว ฐเปตฺวา โพธิสตฺตํ อญฺโญ ตํ วาทํ ภินฺทิตุํ สมตฺโถ นาม นตฺถิ ตสฺมา มหาสตฺโต อตฺตโน ญาณพเลน ตสฺส วาทํ ภินฺทนฺโต มหาราช กิเมส พาโล ชานาติ ยสเมว โอโลเกติ ปญฺญาย วิเสสํ น ชานาติ สุณ มหาราชาติ วตฺวา อิมํ คาถมาห