เอตมฺปิ ทิสฺวาน อหํ วทามิ

ปญฺโญว เสยฺโย น ยสสฺสิพาโลติ ฯ

ตตฺถ สตนฺติ พุทฺธาทีนํ สปฺปุริสานํ ฯ โภครตาติ มหาราช ยสฺมา เต อนฺธพาลา มนุสฺสา โภครตาว ตสฺมา เตสํ สิรี กนฺตา ยโส นาเมส ปณฺฑิเตหิ ครหิโต พาลานํ กนฺโตติ จายํ อตฺโถ ภึสกชาตเกน วณฺเณตพฺโพ ฯ พุทฺธานนฺติ ญาณพุทฺธานํ ฯ กทาจีติ กิสฺมิญฺจิ กาเล ญาณวนฺตํ สิรี นาม นาติกฺกมติ เทวาติ ฯ

ตํ สุตฺวา ราชา มหาสตฺตสฺส ปญฺหาพฺยากรเณน ตุฏฺโฐ ฆนวสฺสํ วสฺสนฺโต วิย มหาสตฺตํ ธเนน ปูเชนฺโต คาถมาห