ตตฺถ อสพฺภิรูโปติ อปณฺฑิตชาติโก ฯ น กิญฺจิตฺถนฺติ มยา สห กิญฺจิ อตฺถํ น ภาสถ เตเนว ตํ อปณฺฑิโตติ มญฺญามิ ฯ อิติ โส โพธิสตฺตสฺส อคุณํ กเถสิ ฯ

ราชา ตสฺส วจนํ สุตฺวา อนภินนฺทิตฺวา อปฏิกฺโกสิตฺวา ตสฺส จ เตน สทฺธึ อาคตานญฺจ ปริพฺพยณเจว นิวาสนเคหญฺจ ทาเปตฺวา คจฺฉถ อาจริย วิสมถาติ ตํ อุยฺโยเชตฺวา จินฺเตสิ มม ปุตฺโต ปณฺฑิโต ปฏิสนฺถารกุสโล อิมินา กิร สทฺธึ เนว ปฏิสนฺถารํ อกาสิ น ตุฏฺฐึ ปเวเทสิ กิญฺจิ เตน อนาคตภยํ ทิฏฺฐํ ภวิสฺสตีติ สยเมว กถํ สมุฏฺฐเปตฺวา อิมํ คาถมาห

อทฺธา อิทํ มนฺตปทํ สุทุทฺทสํ

อตฺโถ สุทฺโธ นรวิริเยน ทิฏฺโฐ