น สิรี ตรมานสฺส มาถูร สุวปณฺฑิต

อิเธว ตาว อจฺฉสฺสุ ยาว ราชาน ทกฺขสิ

โสสิ สทฺทํ มุทิงฺคานํ อานุภาวญฺจ ราชิโนติ ฯ

ตตฺถ น สิรีติ สมฺม สุวปณฺฑิต ตรมานสฺส สิรี น โหติ ตรมาเนน กตํ กมฺมํ น โสภติ ฆราวาโส นาม โส อติครุโก จินฺเตตฺวา ตุเลตฺวา กตฺตพฺโพ อิเธว ตาว อจฺฉสฺสุ ยาว มหนฺเตน ยเสน สมนฺนาคตํ อมฺหากํ ราชานํ ปสฺสสิ ฯ โสสีติ สายณฺหสมเย กินฺนรีสมานลีลาหิ อุตฺตมรูปธราหิ นารีหิ วชฺชมานานํ มุทิงฺคานํ อญฺเญสญฺจ คีตวาทิตานํ สทฺทํ สุณิสฺสสิ รญฺโญ จ อาณุภาวํ มหนฺตํ สิริโสภคฺคํ ปสฺสิสฺสสิ สมฺม กึ ตวํ ตุริโตสิ เลสมฺปิ น ชานาสิ อจฺฉ ตาว ปจฺฉา ชานิสฺสามีติ ฯ