อิมํ คาถํ วตฺวา ปุน เตน ตวํ ภทฺเท กสฺมา เอวรูปํ กถํ กเถสีติ วุตฺเต เตน หิ สุณาหิ ปุน เอตฺถ เต โทสํ กเถสฺสามีติ วตฺวา อิตรํ คาถมาห

อานยิตฺวาน เวเทหํ ปญฺจาลานํ รเถสโภ

ตโต นํ ฆาตยิสฺสติ นาสฺส สขิ ภวิสฺสตีติ ฯ

ตตฺถ ตโต นํ ฆาตยิสฺสตีติ ยทา โส อิมํ นครํ อาคโต ภวิสฺสติ ตทา เตน สขิภาวํ มิตฺตธมฺมํ น กริสฺสติ ทฏฺฐุํปิสฺส ธีตรํ น ทสฺสติ เอโก กิรสฺส ปน อตฺถธมฺมานุสาสโก มโหสถปณฺฑิโต นาม อตฺถิ เตน นํ สทฺธึ ฆาเตสฺสติ เต อุโภ ชเน ฆาเตตฺวา ชนปานํ ปิวิสฺสามาติ เกวฏฺโฏ รญฺญา สทฺธึ มนฺเตตฺวา ตํ คณฺหิตฺวา อาคนฺตุํ มิถิลํ คโตติ ฯ