อญฺญมญฺญํ วธิตฺวาน ขิปฺปํ หิสฺสาม ชีวิตํ

มา โน ราชา พฺรมฺหตฺโต จิรํ ทุกฺเขน มารยีติ ฯ

ตตฺถ ทฺวารโตติ ทฺวารํ ปิทหิตฺวา ตตฺถ อคฺคึ เทม ฯ วิกนฺตนนฺติ อญฺญมญฺญํ วิกนฺตนสตฺถํ คณฺหาม ฯ หิสฺสามาติ ชีวิตํ ขิปฺปํ ชหิสฺสาม อลงฺกตปาสาโทเยว โน ทารุจิตโก ภวิสฺสติ ฯ

ตํ สุตฺวา ราชา อนตฺตมโน หุตฺวา อตฺตโน ปุตฺตทารสฺส เอวรูปํ จิตกํ กโรหีติ วตฺวา ปุกฺกุสาทโย ปุจฺฉิ ฯ เตปิ อตฺตโน ปฏิรูปาย พาลกถาเยว กถยึสุ ฯ เตน วุตฺตํ