ตตฺถ กสิณนฺติ สกลํ นิสฺเสสํ รตฺตึ ฯ อุเทนฺตนฺติ อุเทนฺเต ฯ อุปการนฺติ ปญฺจาลนครํ อุปาทาย มหาสตฺเตน การิตตฺตา อุปการนฺติ ลทฺธนามํ นครมุปาคมิ ฯ อโวจาติ อตฺตโน เสนํ อวจ ฯ เปสิเยติ อตฺตโน เปสการเก ฯ อชฺฌภาสิตฺถาติ อธิภาสิตฺถ ปุเรตรเมว อภาสิตฺถ ฯ ปุถุคุมฺเพติ พหุสิปฺเปสุ ปติฏฺฐิเต อเนกสิปฺปญฺญู ฯ

อิทานิ เต สรูปโต ทสฺเสตุํ อาห

หตฺถาโรเห อนีกฏฺเฐ รถิเก ปตฺติการเก

อุปาสนมฺหิ กตหตฺเถ วาลเวเธ สมาคเตติ ฯ