กึสุกํ ผุลฺลิตํ ทิสฺวา อาสาฉินฺนา มิคาธมา

เอวเมว ตุวํ ราช เวเทหํ ปริวารย

อาสาฉินฺโน คมิสฺสสิ สิงฺคาลา กึสุกํ ยถาติ ฯ

ตตฺถ ทิสฺวานาติ จนฺทาโลเกน โอโลเกตฺวา ฯ ปริพฺยุฬฺหาติ ปาโตว มํสเปสึ ขาทิตฺวา คมิสฺสามาติ ปริวาเรตฺวา อฏฺฐํสุ ฯ วีติวตฺตาสูติ เต ยาสุ ยาสุ รตฺตีสุ เอวํ อฏฺฐํสุ ตาสุ ตาสุ อตีตาสุ ฯ ทิสฺวาติ ปาโตว สุริยาโลเกน กึสุกํ ทิสฺวาน นยิทํ มํสนฺติ ญตฺวา ฉินฺนาสา หุตฺวา ปลายึสุ ฯ สิงฺคาลาติ ยถา สิงฺคาลา กึสุกํ ปริวาเรตฺวา อาสาฉินฺนา คตา เอวํ ตวํปิ อิธ วิเทหรญฺโญ นตฺถิภาวํ ญตฺวา อาสาฉินฺโน หุตฺวา คมิสฺสสิ เสนํ คเหตฺวา ปลายิสฺสสีติ ทีเปติ ฯ