โย จเชถ มหาราช ภตฺตารํ ธนการณา

อุภินฺนํ โหติ คาเรยฺโห อตฺตโน จ ปรสฺส จ

ยาว ติฏฺเฐยฺย เวเทโห นาญฺญสฺส วิชิเต วเสติ ฯ

ตตฺถ อตฺตโน จ ปรสฺส จาติ เอวรูปํ หิ ธนการณา มยาว อตฺตโน ภตฺตารํ ปริจฺจชนฺเตน ปาปํ กตนฺติ อตฺตนา อตฺตานํปิ ครหติ อิมินา ธนการณา อตฺตโน ภตฺตารํ ปริจฺจชนฺโต ปาปธมฺโม อยนฺติ ปโรปิ ครหติ ตสฺมา น สกฺกา ตสฺมึ ธรนฺเต มยา อญฺญสฺส วิชิเต วสิตุนฺติ ฯ