อถ นํ ราชา อาห เตน หิ ปณฺฑิต ตว รญฺโญ ทิวงฺคตกาเล อิธ อาคนฺตุํ ปฏิญฺญํ เทหีติ ฯ โส สาธุ เทว อหํ ชีวนฺโต อาคมิสฺสามีติ ปฏิชานาติ ฯ อถสฺส ราชา สตฺตาหํ มหาสกฺการํ กตฺวา สตฺตาหจฺจเยน ปุน อาปุจฺฉนกาเล อหํ เต ปณฺฑิต อิทญฺจิทญฺจ ทมฺมีติ วทนฺโต คาถมาห

ทมฺมิ นิกฺขสหสฺสนฺเต คามาสีติญฺจ กาสิสุ

ทาสีสตานิ จตฺตาริ ทมฺมิ ภริยาสตญฺจ เต

สพฺพํ เสนางฺคมาทาย โสตฺถิ คจฺฉ มโหสถาติ ฯ