ยโต สุปินมทฺทกฺขึ สุทสฺสน วิชานาหิ

ตโต ทิวา วา รตฺตึ วา สุขํ เม นูปลพฺภตีติ

ตตฺถ อิโต มาสํ อโธคตนฺติ อิโต เหฏฺฐา มาสาติกฺกนฺตํ อชฺช เม ทิฏฺฐสุปินสฺส มาโส โหตีติ ทสฺเสติ ฯ ปุริโสติ เอโก กิร กาโฬ รตฺตกฺขิ ปุริโส ฯ โรทนฺติยา สตีติ โรทมานาย สติยา ฯ สุขํ เม นูปลพฺภตีติ มม สุขํ นาม น วิชฺชติ ฯ

เอวญฺจ ปน วตฺวา ตาต ปิยปุตฺต ตว กนิฏฺโฐ น ทิสฺสติ ภเยน ตสฺส อุปฺปนฺเนน ภวิตพฺพนฺติ ปริเทวนฺตี อาห