โส โสมยาเคน มลํ วิหนฺตฺวา

สุโภค เทวญฺญตโร อโหสีติ ฯ

ตตฺถ โส โสมยาเคน มลํ วิหนฺตฺวาติ โภ สุโภค โย อิทานิ สกฺกสฺส เสนาปติ มหายโส เทวปุตฺโต โสปิ ปุพฺเพ พาราณสิราชา พฺราหฺมเณ สคฺคมคฺคํ ปุจฺฉิตฺวา เตหิ โสมยาเคน อตฺตโน มลํ ปวาเหตฺวา เทวโลกํ คจฺฉสีติ วุตฺเต พฺราหฺมณานํ มหนฺตํ สกฺการํ กตฺวา เตหิ วุตฺตวิธาเนน โสมยาคํ กตฺวา เตน อตฺตโน มลํ วิหนฺตฺวา เทวญฺญตโร ชาโตติ อิมมตฺถํ ปกาเสนฺโต เอวมาห ฯ

อปรานิปิสฺส อุทาหรณานิ ทสฺเสนฺโต อาห