ปุตฺตปริวุโต ตุวํ รฏฺฐํ ชนปทญฺจ ปาเลหีติ ฯ

ตตฺถ ปุตฺตปริวุโตติ ปุตฺเตหิ ปริวุโต ฯ รฏฺฐํ ชนปทญฺจาติ สกลกาสิกรฏฺฐญฺจ ตสฺเสว ตํตํ โกฏฺฐาสภูตํ ชนปทญฺจ ปาเลตุํ สกฺขิสฺสสิ ฯ

อถสฺส โส ปิตา อตฺตโน วจนํ คาหาเปตุํ นาสกฺขิ ฯ ตโต จนฺทกุมาโร จินฺเตสิ อิมสฺส เอตฺตกสฺส ชนสฺส ทุกฺขํ มํ เอกํ นิสฺสาย ชาตํ มม ปิตรํ ยาจิตฺวา เอตฺตกํ ชนํ มรณทุกฺขโต โมเจสฺสามีติ ฯ โส ปิตรา สทฺธึ สลฺลปนฺโต อาห

มา โน เทว อวธิ ทาเส โน เทหิ กณฺฑหาลสฺส