เยจาปิ อนุโมทนฺติ ยชนฺตานํ อีทิสํ มหายญฺญนฺติ ฯ

ตตฺถ ปุพฺเพ เมสิ วุตฺโตติ นนุ มยา ตฺวํ ปุพฺเพว วุตฺโต ตุมฺหาทิเสน ภีรุกชาติเกน น สกฺกา ยญฺญํ ยชิตุํ ยญฺญยชนํ นาม เอตํ ทุกฺกรํ ทุรภิสมฺภวนฺติ ฯ อถ โน อิทานิ อุปกฺขตสฺส ยญฺญสฺส วิกฺเขปํ กโรสิ ฯ วิขมฺภนฺติปิ ปาโฐ ฯ ปฏิเสธนฺติ อตฺโถ ฯ มหาราช กสฺมา เอวํ กโรสิ ยตฺตกา หิ ยญฺญํ ยชนฺติ วา ยชาเปนฺติ วา อนุโมทนฺติ วา สพฺเพ สุคติเมว วชฺชนฺตีติ ทสฺเสสิ ฯ โส อนฺธพาโล ราชา ตสฺส โกธวสิกสฺส กถํ คเหตฺวา ธมฺมสญฺญี หุตฺวา ปุน ปุตฺเต คณฺหาเปสิ ฯ ตโต จนฺทกุมาโร ปิตรํ อนุโพธิยมาโน อาห

อถ กิสฺสว โน ปุพฺเพ โสตฺถานํ พฺราหฺมเณ อวาเจสิ

อถ โน อการณสฺมา ยญฺญตฺถาย เทว ฆาเตสิ