รญฺโญ จมฺหิ อตฺถกาโม หิโต จ สพฺพชนปทสฺส

น โกจิ อสฺส ปฏิฆํ มยา ชนปโท น ปเวเทตีติ ฯ

ตตฺถ ปุตฺตกามาโยติ ฆรณิโยว สนฺธาย วุตฺตํ ฯ คหปตโย จ ปุตฺตกามา นาม โหนฺติ ฯ น อุปวทนฺตีติ น อุปกฺโกสนฺติ น วทนฺติ ฯ อตฺรชนฺติ อตฺตนา ชาตํ ฯ เอวํ วุตฺเตปิ โกจิ รญฺญา สทฺธึ กเถตุํ สมตฺโถ นาม นาโหสิ ฯ น โกจิ อสฺส ปฏิฆํ มยาติ อิมินา โน ลญฺโจ วา คหิโต อิสฺสริยมเทน วา อิทนฺนาม ทุกฺขํ กตนฺติ โกจิ เอโกปิ มยา สทฺธึ ปฏิฆํ กโรนฺโต นาม นาโหสิ ฯ ชนปโท น ปเวเทตีติ เอวํ รญฺโญ จ ชนปทสฺส จ อตฺถกาโมมฺหิ กึ มม ปิตรํ อยํ ชนปโท คุณสมฺปนฺโน เต ปุตฺโตติ น ปเวเทติ น ชานาเปตีติ อตฺโถ ฯ

เอวํ วุตฺเตปิ น โกจิ กิญฺจิ กเถสิ ฯ ตโต กุมาโร อตฺตโน ภริยานํ สตฺตสตํ ยาจนตฺถาย อุยฺโยเชนฺโต อาห