ตตฺถ พหุทุกฺขโปสิยาติ พหูหิ ทุกฺเขหิ โปสิยา ฯ จนฺทนฺติ มํ จนฺทกุมารํ เอวํ โปสิตฺวา อิทานิ อมฺม ตุวํ ชียเส ปุตฺตํ ฯ ลภตํ ตาโต ปรโลกนฺติ ปิตา เม โภคสมฺปนฺนํ ปรโลกํ ลภตุ ฯ อุปคุยฺหาติ อาลิงฺคิตฺวา ปลิสชฺชิตฺวา ฯ ปวาสนฺติ ปุน อนาคมนาย อจฺจนฺตวิปฺปวาสํ ฯ

อถสฺส มาตา ปริเทวนฺตี จตสฺโส คาถาโย อภาสิ

หนฺท จ ปทุมปตฺตานํ โมลึ พนฺธสฺสุ โคตมิปุตฺต

จมฺปกทลมิสฺสาโย เอสา เต โปราณิกา ปกติ