ตํ ปน ปญฺหํ สพฺพญฺญูพุทฺธปจฺเจกพุทฺธพุทฺธสาวกมหาโพธิสตฺเตสุ ปุริมสฺส ปุริมสฺส อลาเภน ปจฺฉิมํ ปจฺฉิมํ ปุจฺฉิตพฺพยุตฺตกํ มเหสกฺขปญฺหํ ราชา กิญฺจิ ปญฺหํ อชานนฺตํว นคฺคโภคํ นิสฺสิรีกํ อนฺธพาลํ อาชีวกํ ปุจฺฉิ ฯ โส เอวํ ปุจฺฉิโต ปุจฺฉานุรูปํ พฺยากรณํ อทิสฺวา จรนฺตํ โคณํ ทณฺเฑน ปหรนฺโต วิย ภตฺตวฑฺฒิกาย กจวรํ ขิปนฺโต วิย ฯ สุณ มหาราชาติ โอกาสํ กาเรตฺวา อตฺตโน มิจฺฉาวาทํ ปฏฺฐเปสิ ฯ

ตมตฺถํ ปกาเสนฺโต สตฺถา อาห ฯ

เวเทหสฺส วโจ สุตฺวา กสฺสโป เอตทพฺรวิ

สุโณหิ เม มหาราช สจฺจํ อวิตถํ ปทํ