ตตฺถ อลาโต เอตทพรวีติ โส กิร ปุพฺเพ กสฺสปทสพฺลสฺส กาเล เจติเย อโนชปุปฺผทาเมน ปูชํ กตฺวา มรณสมเย อญฺเญน กมฺเมน ยถานุภาวํ ขิตฺโต สํสาเร สํสรนฺโต เอกสฺส ปาปกมฺมสฺส นิสฺสนฺเทน โคฆาตกกุเล นิพฺพตฺติตฺวา พหุํ ปาปํ อกาสิ ฯ อถสฺส มรณกาเล ภสฺมปฏิจฺฉนฺโน วิย อคฺคิ เอตฺตกํ กาลํ ฐิตํ ตํ ปุญฺญกมฺมํ โอกาสมกาสิ ฯ โส ตสฺสานุภาเวน อิธ นิพฺพตฺติตฺวา ตํ วิภูตึ ปตฺโต ชาตึ สรนฺโต ปน อตีตานนฺตรโต ปรํ สริตุํ อสกฺโกนฺโต โคฆาตกกมฺมํ กตฺวา อิธ นิพฺพตฺโตสฺมีติ สญฺญาย ตสฺส วาทํ อุปตฺถมฺเภนฺโต อิทํ ยถา ภทฺทนฺโตติ อาทิวจนมพฺรวิ ฯ ตตฺถ สเร สํสริตตฺตโนติ อตฺตโน สํสริตํ สรามิ ฯ เสนาปติกุเลติ เสนาปติกุลมฺหิ ชาโต ฯ

อเถตฺถ วีชโก นาม ทาโส อาสิ ปฏจฺฉริ

อุโปสถํ อุปวสนฺโต คุณสนฺติกมุปาคมิ

กสฺสปสฺส วโจ สุตฺวา อลาตสฺส จ ภาสิตํ