ตตฺถ สนฺนิเวสนนฺติ ภิกฺขเว อิทํ วจนํ วิเทหราชา วตฺวา รถํ อภิรุยฺห อตฺตโน นิเวสนํ จนฺทกปาสาทตลเมว ปฏิคโต ฯ

ราชา ปฐมํ คุณสฺส สนฺติกํ คนฺตฺวา ตํ วนฺทิตฺวา ปญฺหํ ปุจฺฉิ อาคจฺฉนฺโต จ ปน อวนฺทิตฺวาว อาคโต คุโณ อคุณตาย วนฺทนํปิ นาลตฺถ ปิณฺฑาทิกํ สกฺการํ กิเมว ลจฺฉติ ฯ ราชาปิ ตํ รตฺตึ วีตินาเมตฺวา ปุน ทิวเส อมจฺเจ สนฺนิปาเตตฺวา ตุมฺเห กามคุณเมว อุปฏฺฐเปถ อหํ อิโต ปฏฺฐาย กามคุณสุขเมว อนุภวิสฺสามิ น เม อญฺญานิ กิจฺจานิ อาโรเจตพฺพานิ วินิจฺฉยกิจฺจํ อสุโก จ อสุโก จ กโรตูติ วตฺวา กามรติมตฺโตว อโหสิ ฯ

ตมตฺถํ ปกาเสนฺโต สตฺถา อาห

ตโต รตฺยา วิวสเน อุปฏฺฐานมฺหิ องฺคติ