อตีตมทฺธา อปราธิตํ มยา

อาจิกฺข เม นารท สุทฺธิมคฺคํ

ยถา อหํ โน นิรยํ ปเตยฺยนฺติ ฯ

ตตฺถ ภยสานุตปฺปามีติ อตฺตนา กตสฺส ปาปสฺส ภเยน อนุตปฺปามิ ฯ มหา จ เม ภยาติ มหนฺตญฺจ เม นิรยภยํ อุปฺปนฺนํ ฯ ทีปํโวเฆติ ทีปํ วิย โอเฆ ฯ อิทํ วุตฺตํ โหติ อาทิตฺเต กาเย วาริมชฺฌํ วิย ภินฺนนาวานํ โอเฆ วา อณฺณเว วา ปติฏฺฐํ อลภมานานํ ทีปํ วิย อนฺธกาเร คตานํ ปชฺโชโต วิย ตฺวํ โน อิเส สรณํ ภว ฯ อตีตมทฺธา อปราธิตํ มยาติ เอกํเสน มยา อตีตกมฺมํ อปราธิตํ กุสลํ อติกฺกมิตฺวา อกุสลเมว กตนฺติ ฯ