เอหิ คจฺฉาม ปิตุ มมนฺติเก

เอเสว เต เอตมตฺถํ ปวกฺขตีติ ฯ

ตตฺถ ปุพฺพปถานุคเตน เจตสาติ อนฺตเร อตฺตภาเว อนุภูตปุพฺพสามิเก ตสฺมึ ปุพฺพปเถเนว อนุคเตน เจตสา ฯ เอหิ คจฺฉามาติ ภิกฺขเว โส ยกฺขเสนาปติ เอวํ วตฺวา อิมํ อสฺสปิฏฺฐึ อาโรเปตฺวา เนสฺสามีติ จินฺเตตฺวา ปพฺพตมตฺถเก โอตริตฺวา ตสฺสา หตฺถํ คหณตฺถํ หตฺถํ ปสาเรสิ ฯ สา อตฺตโน หตฺถํ คณฺหิตุํ อทตฺวา เตน ปสาริตหตฺถํ สยํ คเหตฺวา สามิ นาหํ อนาถา มยฺหํ ปิตา วรุโณ นาม นาคราชา มาตา วิมลา นาม เอหิ มม ปิตุ สนฺติกํ คจฺฉาม เอเสว เต ยถา อมฺหากํ มงฺคลกิริยาย ภวิตพฺพํ เอวํ เอตมตฺถํ ปวกฺขตีติ อวจาสิ ฯ

ตมตฺถํ ปกาเสนฺโต สตฺถา อาห