ยาว อามนฺตเย ญาตี มิตฺเต จ สุหทชฺชเน

อนามนฺตํ กตกมฺมํ ตํ ปจฺฉา อนุตปฺปตีติ ฯ

ตตฺถ ยาว อามนฺตเยติ โภ ยกฺขเสนาปติ อหํ ตุยฺหํ ธีตรํ เทมิ โน น เทมิ โถกํ ปน อาคเมหิ ยาว อามนฺตเย ญาตีติ ญาตเกปิ ยาว ชานาเปมิ ฯ ตํ ปจฺฉา อนุตปฺปตีติ อิตฺถิโย หิ คตคตฏฺฐาเน อภิรมนฺติปิ นาภิรมนฺติปิ อนภิรติกาเล ญาตกาทโย อมฺเหหิ สทฺธึ อนามนฺเตตฺวา กตํ กมฺมํ นาม เอวรูปํ โหตีติ อุสฺสุกฺกํ น กโรนฺติ เอวนฺตํ กมฺมํ ปจฺฉา อนุตาปํ อาวหตีติ วทติ ฯ

ตโต โส วรุโณ นาโค ปวิสิตฺวา นิเวสนํ