เอวญฺจ ปน วตฺวา สพฺพาตุริยานิ ปคฺคณฺหึสุ นานปฺปการานิ นจฺจคีตานิ ปวตฺตยึสุ ฯ ยโส มหา อโหสิ ฯ โส ยสสมฺปตฺโต ปิตรํ น สริ ธมฺเมน รชฺชํ กาเรตฺวา ยถากมฺมํ คโต ฯ โพธิสตฺโตปิ ฌานาภิญฺญา นิพฺพตฺเตตฺวา อายูหปริโยสาเน พฺรหฺมโลกูปโค อโหสิ ฯ

สตฺถา อิมํ ธมฺมเทสนํ อาหริตฺวา น ภิกฺขเว อิทาเนว ปุพฺเพปิ ตถาคโต มหาภินิกฺขมนํ นิกฺขนฺโตเยวาติ วตฺวา ชาตกํ สโมธาเนสิ ตทา ปจฺเจกพุทฺโธ ปรินิพฺพายิ ปุตฺโต ราหุลกุมาโร อโหสิ เสสปริสา พุทฺธปริสา อโหสิ อรินฺทโม ราชา ปน อหเมวาติ ฯ

โสณกชาตกํ นิฏฺฐิตํ ฯ

ปฐมํ ฯ