อาชญฺญมารุยฺห อโนมวณฺโณ

ปกฺกามิ เวหายสมนฺตลิกฺเขติ ฯ

ตตฺถ ธนาหรนฺติ มนสา อภิปฏฺฐิตสฺส ธนสฺส อาหรณสมตฺถํ ฯ ททฺทลฺหมานนฺติ ชชฺชลมานํ ฯ ยสสาติ มหาปริวารมณิคเณน ฯ โอภาสตีติ ตํ มณิรตนํ อากาเส วิชฺชุริว โอภาสติ ฯ ตมคฺคหีติ ตํ มณิรตนํ อคฺคหิ ฯ มโนหรนฺนามาติ มนสา จินฺติตํ อาหริตุํ สกฺโกตีติ เอวํ ลทฺธนามํ ฯ ตํ มณิรตนํ กุมฺภิโร นาม ยกฺโข กุมฺภณฺฑสตสหสฺสปริวาโร รกฺขติ ฯ โส ปน เตน กุชฺฌิตฺวา โอโลกิตมตฺเตเยว ภีตตสิโต ปลายิตฺวา จกฺกวาฬปพฺพตํ ปตฺวา กมฺปมาโน โอโลเกนฺโต อฏฺฐาสิ ฯ อิติ โส นํ ปลาเปตฺวา ปุณฺณโก มณิรตนํ อคฺคหิ ฯ โส ตํ คเหตฺวา อากาเสน คจฺฉนฺโต ตํ นครํ ปตฺโต ฯ

ตมตฺถํ ปกาเสนฺโต สตฺถา อาห