สึฆาฏเก สุภูมิโย มณิมฺหิ ปสฺส นิมฺมิตํ

เอสิกา จ ปริขาโย ปลีฆํ อคฺคฬานิ จ

อฏฺฏาลเก จ ทฺวาเร จ มณิมฺหิ ปสฺส นิมฺมิตํ

ตตฺถ ปุรนฺติ นครํ ฯ อฏฺฏาลสมฺปนฺนนฺติ ปาการวตฺถุนา สมฺปนฺนํ ฯ พหุปาการโตรณนฺติ อุจฺจปาการโตรณทฺวารํ ฯ สึฆาฏเกติ จตุกฺกานิ ฯ สุภูมิโยติ นครุปจาเรหิ วิจิตฺตา รมฺมณียํ ภูมิโย ฯ เอสิกาติ นครทฺวาเรสุ อุปฏฺฐาปิเต เอสิกถมฺเภ ฯ ปลีฆนฺติ ปลีฆํ อยเมว วา ปาโฐ ฯ อคฺคฬานีติ นครทฺวารกวาตานิ ฯ อฏฺฏลเก จาติ โคปุรานิ จ ฯ