เอวํ วตฺวา ปุณฺณโก มหาราช อหํ ตาว ชูเตน ชิโต อิมํ มณิรตนํ ทสฺสามิ ตฺวํ ปน กึ ทสฺสสีติ อาห ฯ ตาต มม สรีรญฺจ เสตจฺฉตฺตญฺจ อคฺคมเหสิญฺจ ฐเปตฺวา เสสํ มม สนฺตกํ ตว สุงฺกํ โหตูติ ฯ เตน หิ เทว มา จิรายิ อหํ ทูราคโต ชูตมณฺฑลํ สชฺชาเปหีติ อาห ฯ ราชา อมจฺเจ อาณาเปสิ ฯ เต ขิปฺปํ ชูตสาลํ สชฺเชตฺวา รญฺโญ วรโปตฺถกตฺถรณํ อตฺถริตฺวา เสสราชูนญฺจาปิ อาสนานิ ปญฺญาเปตฺวา ปุณฺณกสฺสาปิ ปฏิรูปํ อาสนํ ปญฺญาเปตฺวา รญฺโญ กาลํ อาโรเจสุํ ฯ

ตโต ปุณฺณโก ราชานํ คาถาย อชฺฌภาสิ

อุปาคตํ ราช อุเปหิ ลกฺขํ

เนตาทิสํ มณิรตนํ ตวตฺถิ