อกฺขขณฺฑํ นิฏฺฐิตฺ ฯ

เอวญฺจ ปน วตฺวา ราชา จินฺเตสิ ปณฺฑิตํ มาณโว ยถารุจึ คเหตฺวา คมิสฺสติ ตสฺส คตกาลโต ปฏฺฐาย มยฺหํ มธุรธมฺมกถา ทุลฺลภา ภวิสฺสติ ยนฺนูนาหํ อิมํ อตฺตโน ฐาเน ฐเปตฺวา ฆราวาสปญฺหํ ปุจฺเฉยฺยนฺติ ฯ อถ นํ เอวมาห ปณฺฑิต ตุมฺหากํ คตกาเล มม มธุรธมฺมกถา ทุลฺลภา ภวิสฺสติ อลงฺกตธมฺมาสเน นิสีทิตฺวา อตฺตโน ฐาเน ฐตฺวา มยฺหํ ฆราวาสปญฺหํ กเถถาติ ฯ โส สาธูติ สมฺปฏิจฺฉิตฺวา อลงฺกตธมฺมาสเน นิสีทิตฺวา รญฺญา ปญฺหํ ปุฏฺโฐ วิสชฺเชสิ ฯ ตตฺรายํ ปญฺหคาถา

วิธุร วสมานสฺส คหฏฺฐสฺส สกํ ฆรํ

เขมา วุตฺติ กถํ อสฺส กถนฺนุ อสฺส สงฺคโห